Nau Mai

E ngā mana, e ngā tapu, e ngā ihi, e ngā wehi o ngā reo tītapu kei tō tātou waka mātauranga. Nāu iho mai ki te iho me te aho o reiao nuku, o reiao rangi e whiria atu nei te rā o Horouta ki ngā hau pure o uta ki tai; taiparatia.

Kia tau rawa a te ōmakitutua, ka purahuia koe ki ngā arahoe a Tamaireia; tuku! Ko te hāhā o te whenua nui, ko te hāhā o te whenua roa hei whītiki maurea mō ō tāua maharatanga ki te pūtaketanga o ngā mana e hua ai ō tāua katoatoa. Ko koe, ko au, ko tātou.

E ngā taioreore o ngā mātua tīpuna, nohotahi mai, kōrero tahi mai, mahi tahi mai ka turuki ai, ka paneke ai tō tātou waka rerehua, waka tongarerewa ki te ao.

He uri awau nā Tānenuiārangi, nā Maui, nā Tawhaki, a, he kaihoe nā Horouta Wānanga e.

Tīhē Mauri Ora!